| 【女星逃出藝能界】20歲小野忽爆引退 「A貨前田」轉行養豬 |
2014-07-03
|
|
日本娛樂圈愈見難撈，近排接二連三有東洋女星宣布轉行。
好似AKB48嘅20歲人氣舊將小野惠令奈，單飛發展兩年，今日就忽然自爆引退，佢親自留言話會當7月15日同事務所滿約後，正式結束8年嘅演藝生涯，退出藝能界之後，小野惠令奈話會向自己目標進發。
消息出街後，唔少網民都紛紛留言，仲希望佢唔好轉個頭走去拍AV喎！
咁啱得咁橋，有一半中國血統嘅日本國民美少女冠軍林丹丹，今日都被爆原來同Oscar事務所，已經喺4月解除合約，今後就會撤出演藝界！
24歲嘅林丹丹有份參演米倉涼子出大熱劇《女醫神》（Doctor X），佢2006年參加第11屆國民美少女攞埋冠軍，打敗同屆嘅武井咲同埋忽那汐里。
仲有前田敦子嘅同門水着女小林禮奈，今個禮拜都話會轉行養豬，話說佢早前扮師姐前田敦子先至提升些少知名度，點知就惹來大批前田fans圍攻，有傳聞佢今次轉行養豬，都可能係畀前田迫走喎！至於小野惠令奈曾經都係AKB嘅人氣成員。
|
|
|
|
季瀏覽：電視劇
